🙏🏻🙏🏻....गुरू.....🙏🏻🙏🏻 चिमणी हा पक्षी का आवडतो त्याला अनेक कारणं आहेत. चिमणी ही नेहमी आपल्या उद्योगात असते. सकाळपासून संध्याकाळपर्यंत ती कामातच असते. गवताच्या काड्या गोळा करायच्या, त्या सुबक पद्धतीनं वीणायच्या आणि सुंदर घरटं बनवायचं. अंड्यातून पिल्लं बाहेर आल्यावर त्यांचं संगोपन करायचं, त्यांना कुठून कुठून आणून खायला घालायचं... आणि ही सगळी कामं ती बिनबोभाट करत असते. आम्हांला म्हातारपणी मुलांनी सांभाळावे ही तिची अपेक्षा नसते की आपल्या मुलांनी आपलं नाव जगभर गाजवावं ही इच्छा नसते.आपल्या मुलांनी स्वतःच्या पायावर उभं राहावं, आकाशात झेप घ्यावी आणि स्वतःचं पोट स्वतः भरावे इतकीच तिची इच्छा असते. मूल स्वावलंबी झालं की त्याचा माझा संबंध संपला. त्याचं विश्व त्यानं उभारावं ! कर्तव्य करेन पण कुठल्या मोहपाशात अडकणार नाही. ही स्थितप्रद्न्यता माणसात कधी येईल ? आपण लहानपणी चिमण्यांची घरटी मोडत असू. सुगरणीचे घरटे अर्धे कापून ते वासुदेवाची टोपी म्हणून डोक्यावर घालत असू. त्यात बऱ्याचदा अंडीही असत. आईचा मार मिळाला तेव्हाच आपला हा खेळ बंद झाला. आपण एवढ्या वेळा घर मोडले तरी कुठलीही चिमणी कधी निराश व्हायची नाही. ती नव्या जोमानं नवं घर बांधायची . ध्येयावर नजर. मी घर बांधणार आणि मुलांना वाढवणार एवढंच ध्येय.तिच्या जागी एखादी स्त्री किंवा एखादा पुरुष असता तर ? निराश होऊन त्यानं कधीच आत्महत्या केली असती. चिमण्या पिकावर आल्या की आम्ही गोफणीने दगड मारायचो.पण चिमण्यांना तो कधी अपमान वाटला नाही.त्या पुन्हा पिकावर बसायच्याच. चिमण्यांकडून आपण काय शिकलो ? कष्ट करा.कष्ट केल्याने कुणी मरत नाही, मुलांना वाढवा, ते तुमचं कर्तव्य आहे. मुलांवर कोणतंही अपेक्षाचे ओझे टाकू नका, त्यांना त्यांच्या इच्छेने जगू द्या. आम्ही तुम्हांला वाढवतो तुम्ही आम्हांला सांभाळा असला व्यवहार नको. अपयशानं खचू नका. नुकसान करणाऱ्याच्या ताकदीपेक्षा स्वतःच्या ताकदीवर विश्वास ठेवा. यश तुमचंच आहे. स्वतःचं ध्येय गाठायचं असेल तर अपमान गिळायला शिका. आहे ना चांगली शिकवण ? म्हणूनच हा लहान पक्षी मोठा गुरु झालेला आहे. 💐🙏🏻शुभ सकाळ🙏🏻💐