मधुमास मिटत्या या पापण्यांना स्वप्नांची तुझ्या आस आहे दाटुनी उरात माझ्या मंद तुझा श्वास आहे काळोख्या रात्रीस ही चांदण्यांची बरसात आहे दरवळला चहुदिशांना रातराणीचा सुवास आहे गहिवरल्या रात्रीस या विरह तुझा आज आहे परी तुझ्या आठवणींचा अंतरी सहवास आहे कोठोनी हा येतसे बासरीचा नाद आहे की श्रवणात साठलेला आवाज तुझाच खास आहे पहाटेचा गार वारा झोंबतो अंगास आहे तुझ्याच स्पर्शाचा जणू मखमली आभास आहे