🌷*सुप्रभात*🌷 तुमचं मन शांत आहे का? कुणी असं विचारलं कि लगेच त्याचक्षणी उत्तर देणं जमेल का तुम्हाला? समजा उत्तर दिलंच, तर उत्तर दिल्यानंतरही तुम्ही स्वत:च्याच उत्तराचा विचार करत बसणार नाही याची शाश्वती देऊ शकाल का? स्वत:च स्वत:ला इतका क्लिष्ट करून ठेवलंय आपण. साध्यासरळ सोप्प्या गोष्टी ज्या खरंतर सहज दुर्लक्ष करून चालता येईल अश्याच गोष्टीना मिठी मारायची माणसाची सवय काही जात नाही. निवडूंगाला मिठी मारल्यावर बोचणाऱ्या काट्यांची तक्रार करण्याचा हक्क आपल्याला नसतो. कुणाचं कुणावाचून काहीही अडून राहत नाही हे माणसाला खरंतर आपल्याशिवाय सहज जगणाऱ्या इतर माणसांकडे बघूनतरी कळायला हवे. पण नसती बोझी, नसती टेन्शन्स, नसत्या इच्छा, नसत्या आकांक्षा घेऊन स्वत:च स्वत:च्या आयुष्याला जड करून टाकतो आपण. मग सुख दिसणार कसं? असण्याचे सुख नाही पण नसण्याचे दु:ख केवढं!! मनाच्या भिंती ओलांडता नाही आल्या की मोकळ्या आभाळाखाली उभे राहूनही घुसमट होते. मन शांत असलं की आभाळ कळतं. त्याचं मोकळेपण कळतं. 💐शुभ सकाळ 💐 ⚜ तुमचा दिवस आनंदात जावो ⚜