Parle-G ची कहाणी --------------------------------- "स्वाद भरे शक्ती भरे पारले-जी"....अच्छा जी ...सध्याची "कल के जीनियस" . आज देशात सर्वात लोकप्रिय व आपण भारतात कुठेही गेलात तरी फक्त रु ५ ला मिळणारी गोरगरीबाना परवडणारी ,एका वेळ जेवणाची सोय करणारी .आणि आजच्याही काळात टिकून राहिलेली सर्वाची लाडकी पारले जी बिस्किटे ... पारलेचा भारतातील इतिहास मोठा रोचक आहे.१९२९ साली मुंबईच्या विलेपार्ले भागात पारले प्रॉडक्टसचा छोटा कारखाना सुरू झाला.त्यावेळी तेथे टॉफी, चॉकलेट बनविली जात होती तर बिस्कीटे बनविण्याची सुरवात १९३९ साली झाली. ही बिस्कीटे ग्लुको बिस्कीटे नावाने बाजारात आणली गेली व या उत्पादनाने प्रचंड लोकप्रियता मिळविली. १९४७ साली या बिस्कीट पुड्याच्या कव्हरवर एका लहान मुलीचा फोटो झळकला व आजही हाच फोटो कायम आहे. या मुलीची ओळख पटविण्यासाठी अनेक नांवे घेतली गेली मात्र अखेरी पार्लेनेच नागपूरच्या नीरू देशपांडे या मुलीचा हे हाताने काढलेले चित्र असल्याचे जाहीर केले. आज नीरू देशपांडे ७६ वर्षांच्या आहेत. इतक्या वर्षांच्या व्यवसायात पारले जीच्या किमती केवळ दोन ते तीन वेळाच वाढल्या तर त्यांची जाहिरातही दोन ते तीन वेळाच बदलली गेली. सुरवातील पारले ग्लुको असलेल्या या बिस्कीटांचे १९८० साली पारले जी असे नामकरण केले गेले. पारलेच्या कारखान्यात या बिस्कीटांचे रोज ४० कोटी पॅक बनतात. खेड्यापासून शहरांपर्यंत कुठेही ही बिस्कीटे एकाच किमतीला मिळतात. पारले जी कॅनडा, युरोप, ब्रिटन, अमेरिका अशा अनेक देशांतही उपलब्ध आहेत. समस्त भारत खंडात पारले बिस्किटे आणि त्याच्या वेष्टनावरील सुरेखशा बाळाचा फोटो कोण ओळखत नाही गेली काही दशके पिढ्यानपिढ्या ह्याच एका बिस्किटावर फिदा असल्याचा जमाना आताशा काळानुरूप मागे पडत चालला तरी ती बिस्किटे आणि त्यांच्या सह असलेल्या प्रत्येकाच्या काही ना काही आठवणी कश्या विसरता येतील? आपल्या लाडक्या पार्ले बिस्किटाविषयी पार्ले-जी चवीसाठी तर प्रसिद्ध आहेच जग १९२९ मध्ये भारतात पारले बिस्किट निर्मिती सुरु झाली असा कंपनीच्या संकेतस्थळावर उल्लेख सापडतो. १९८० मध्ये पारले-जी बिस्किटे Gluco असे नामकरण करण्यात आले. हे जी म्हणजे ग्लुकोज आहे असा याचा अर्थ. १९८२मध्ये पहिल्या टीव्ही व्यावसायिक जाहिरातीत "स्वाद भरे शक्ती भरे पारले-जी" असे घोषवाक्य वापरण्यात आले. पारले-जी २००१मध्ये प्रथमच कागदी वेष्टन (पॅकिंग)सोडून प्लास्टिकच्या वेष्टनात वितरीत होऊ लागले. आता "स्वाद भरे शक्ती भरे पारले-जी"चा प्रवास जी म्हणजे जीनियस अश्या नवीन टप्प्यावर येउन ठेपला आहे. सध्याची "कल के जीनियस" ही जाहिरात संकल्पना प्रसिद्ध कवी गुलजार साहेबांनी लिहलेली आहे आणि पियुष मिश्रांनी आपल्या आवाजात सादर केलेली आहे. पारले-जी बद्दल सांगितली जाणारी गमतीदार गोष्ट अशी की एका वर्षात खाल्ल्या जाणारे पारले-जी बिस्कीट एका सोबत एक रेषेत ठेवल्यास पृथ्वीच्या परीघाची १९२ वेळा वेळा परिक्रमा करता येईल. मुंबई , बंगळूरू, बहादूरगड (हरियाना ) आणि नीमराना(राजस्थान ) येथील आपल्या १० उत्पादन प्रकल्पांसह देशभरात सुमारे ७५ ठिकाणी कंत्राट-पद्धतीने कंपनी आपली लाडकी पारले-जी बिस्किटे दररोज ४० दशलक्ष पॅकेट इतक्या प्रचंड संख्येत उत्पादित आणि वितरीत करत असते जे देशातील सुमारे ३३००० केंद्रामार्फत विक्री केले जातात. स्पर्धा कितीही वेगाने वाढत असली तरी ४०% बाजार हिस्स्यासह भारतातीलच नव्हे तर "जगातील नं. १ खपाची विकली जाणारी ग्लुकोज बिस्किटे" असा भारदास्त लौकिक कमवून आहे. पारले बिस्किट Parle biscuit