👆👆👆👆 *हतो वा प्राप्यसि स्वर्गं जित्वा वा भोक्षसे महीम्।तस्माद् उतिष्ठ कौंतेय युद्धाय कृतनिश्चयः॥* 💐💐💐💐💐💐💐 (युद्धात शत्रुकडून मारला गेलास तर स्वर्गाला प्राप्त करशील व शत्रुला जिंकलेस तर पृथ्वी चा उपभोग घेशील यास्तव हे कुंतिपुत्रा मी शत्रुंना मारीन किंवा मरेन असा निश्चय करून युद्ध करण्यास सिद्ध हो.) या भगवद्गीतेतील भगवान श्रीकृष्णानी अर्जुनाला केलेल्या उपदेशाचे माय मराठीत भाषांतर करताना कैवल्य साम्राज्य चक्रवर्ती श्रीसंत ज्ञानोबाराय म्हणतात " ना तरी रणी एथ ।झुंजता वेचले जीवित।तरी स्वर्गसुख अनकळीत।पावसील ॥.......... हाच दिव्यसंदेश बहुधा डोळ्यासमोर ठेवून श्रीक्षेत्र पंढरीचे सुपुत्र श्री कुणालगीर गोसावी यांनी घरची गर्भश्रीमंती असतानाही केवळ देशसेवेसाठी भारतीय सैन्यदलात प्रवेश घेतला होता. ...केवळ तीन दिवसापुर्वी कुटुंबीयांचा निरोप घेऊन गेल्यानंतर आज पहाटे 5.30 वा जम्मू येथे पाकड्यांशी दोन हात करताना त्यांना वीर मरण आले....! वर सांगितलेल्या श्लोकाप्रमाणे त्यांना सद्गती निश्चितच मिळणार आहे हे भगवंताचे वचनच आहे. मात्र याकाळात त्यांच्या कुटुंबीयांना हे पुत्रवियोग,पतीवियोग ,पितावियोग,बंधूवियोगाचे हे अपार दुःख सोसण्याची शक्ती प्रदान करावी ही अखिलकोटब्रह्मांडनायक पांडुरंगरायाचे चरणी प्रार्थना! *हुतात्मा कुणालगीर गोसावी यांना कोटी कोटी प्रणाम! व भावपूर्ण श्रद्धांजली......!* 💐💐💐💐💐💐💐 🙏🏻🙏🏻🙏🏻🙏🏻🙏🏻🙏🏻🙏🏻🙏🏻