खळाळत्या जीवनाचा निर्झर कोल्हापूर... मनातल्या माणूसकीचा पाझर कोल्हापूर... रंकाळ्या वरचा वारा कोल्हापूर... पन्हाळ्या वरच्या धारा कोल्हापूर... खासबागेतली कुस्ती कोल्हापूर... दुपारच्या जेवणानंतरची सुस्ती कोल्हापूर... देवल क्लबचं क्लाशिकल कोल्हापूर... केशवरावचं फार्शिकल कोल्हापूर... चपलेपासून फेट्यापर्यंत मातीचा सुगंध कोल्हापूर... मनानं-शरीरानं-आत्म्यानं.. बेधुंद कोल्हापूर... मिसळीचं वाटण कोल्हापूर... पांढ-या रश्श्यातलं मटण कोल्हापूर... शिव्यांमधलं प्रेम कोल्हापूर... राजकारणातला “गेम” कोल्हापूर... शाहिरीचा बाज कोल्हापूर... गळ्यातला साज कोल्हापूर... दादा कोंडक्यांचं "माप" कोल्हापूर ढोलकीची थाप कोल्हापूर श्टॅंडवरचे पोहे-आम्लेट कोल्हापूर म्हाद्वार रोड वरच्या ‘पक्ष्यांचं’ कोल्हापूर चकचकीत रिक्षांचं कोल्हापूर “रस्सा मंडळा”ची जमलेली भट्टी कोल्हापूर मातीमधलं पसरलेलं घोंगडं कोल्हापूर... नखशिखांत रांगडं कोल्हापूर... सुरेश वाडकरांचा गळा कोल्हापूर ऊसाचा मळा कोल्हापूर .. दस-याला उधळलेलं सोनं कोल्हापूर शिमग्याला पेटलेलं बेनं कोल्हापूर दिवाळितला भुसनळा कोल्हापूर क-हाड सांगलिची “भाषा” कोल्हापूर बेळगांवची “आशा” कोल्हापूर दोस्तिच्या हाकेला साद कोल्हापूर... महाराष्ट्राची शान कोल्हापूर ज्योतिबाचा हात कोल्हापूर... अंबाबाईचा आशिर्वाद कोल्हापूर... माझ्या "दाजीबाचा" सूर कोल्हापूर “मेरी मधुबाला” का नूर कोल्हापूर क्षणोक्षणी जिथे तिथे जे जे भरपूर.. पुरेपूर.. ते.... माझं कोल्हापूर!!