🍁तुमचा धर्म कळला का?* धर्म म्हणजे नियम. *तुम्हाला धर्म समजला याचा अर्थ, कारण आणि परिणाम यांचं संपूर्णत्व तुम्हाला कळलं.* तुम्हाला खरा धर्म कळला असेल, तर तुम्ही सतत त्या नियमात रहायला पाहिजे. नियम आणि धर्म यांची एकता ज्या वेळेला तुम्ही करायला शिकाल, त्यावेळेला तुमच्या आयुष्यातला आनंदही संपेल आणि दु:खही संपेल. कारण मी आत्तापर्यंत आनंदाबद्दल जे बोललो ना, तेच दु:खालाही लागू आहे. कारण, दु:ख हा आनंदाचाच परिणाम; आपलं दु:ख हा "परिणाम" आहे आणि तो आनंदाचाच परिणाम आहे. अतिआनंद भोगल्याचा "परिणाम" दु:ख आहे. आणि दु:ख भोगल्याचा, कष्ट भोगल्याचा "परिणाम" म्हणजे आनंद आहे. तेव्हा तुम्ही आनंदाने आनंदी होणं, हे जेवढं चूक आहे, तेवढंच दु:खाने दु:खी होणं, हेही चूक आहे. हे धर्माचं सांगणं, हे नियमाचं सांगणं, हे ज्या वेळेला तुम्हाला समजेल, तेव्हा एक अपूर्व असं धर्माचं सार तुम्ही जगताय, असं समजून चाला. *— स्वामी विज्ञानानंद*