🚩 *दिशाबोध* 🚩 *""भारताचा खरा आदर्श कोण?* *भगिनी निवेदिता, की मदर तेरेसा?""* भारतभूमीला पुन्हा वैभवशाली करण्यासाठी ज्या शेवटच्या श्वासापर्यंत काम करीत राहिल्या त्याच खऱ्याखुऱ्या आदर्श. होय, त्याच त्या... *""मार्गारेट नोबेल"* म्हणजेच *""भगिनी निवेदिता"*. तर दुसरीकडे ज्यांच्या कामाचा फार गाजावाजा केला जातो त्या _""मदर तेरेसा"_. दोघीही भारत इंग्रजांच्या गुलामगिरीत असताना (भगिनी निवेदिता सन १८९८ मध्ये आणि मदर तेरेसा १९३१ मध्ये) भारतात आल्या. भगिनी निवेदितांनी इंग्रजांचं राज्य अन्याय्य असल्याचं सांगून भारताच्या स्वातंत्र्यासाठी संघर्ष केला, क्रांतिकारकांना मदत केली, तर मदर तेरेसा स्वातंत्र्यचळवळीत सहभागी झाल्याच नाहीत. भगिनी निवेदितांनी महिलांना शिक्षण देऊन त्यांना स्वावलंबी बनविण्यासाठी खटपट केली, तर "वेदना अनुभवल्यामुळे माणूस येशूच्या प्रेमास पात्र होतो", असं मानून मदर तेरेसा यांनी रोग्यांवर जुजबी उपचार केले. भगिनी निवेदितांनी भारतात आल्यावर आपलं आधीचं नाव सोडून या भूमीच्या जीवनधारेशी जुळणारं नाव आनंदानं स्वीकारलं, तर मदर तेरेसांनी आपलं नाव सोडलं नाही. भगिनी निवेदितांनी भारतीयांची अस्मिता जागवली, तर मदर तेरेसांनी गरीब, दुःखी भारतीयांच्या वेदनेचे जगासमोर प्रदर्शन मांडून अमाप पैसा गोळा केला. भगिनी निवेदितांनी इंग्रजाच्या दडपशाहीला विरोध केला, तर मदर तेरेसांनी आणीबाणीच्या काळात प्रत्यक्ष अप्रत्यक्षपणे त्या दडपशाहीचं समर्थनच केलं. भगिनी निवेदितांचं प्रेरणादायक जीवन पाहिलं की लक्षात येतं, हाच या भारतभूमीचा खरा आदर्श! दीनदुबळ्या हिंदूंचे धर्मांतर करून त्यांना आपल्या ख्रिस्ती कळपात ओढता यावं यासाठी सेवेचा मुखवटा चढवणाऱ्या मदर तेरेसांच्या कचकड्याच्या आदर्शापेक्षा हाच खराखुरा बावनकशी सोन्याचा आदर्श! तो म्हणजेच *भगिनी निवेदिता..!*