🌟 माझे मोह क्षण 🌟 घन नभी तडकरा फुटला पझर, नदी तलाव निर्झर भरले सागर. पण मोहीत करते मला कितीदा, ती श्रमीकांच्या भाळी घामाची धार. उधान सागरी थैमान असे लाटांचे, लहरीवर लहरी घेती वेध काठांचे. पण मोहीत करते मला कितीदा, ते प्रणया मधले कंपन ओठांचे. साम्राज्यशाही किती झाले सम्राट, जडवली सिंहासने रत्नांचे मुकूट. पण मोहीत करतो मला कितीदा, तो बाळ बैसला काय तयाची ऐट. चंद्रप्रभेत दिपलेली काळोखी रात, चमचमती तारका किती गगनात. पण मोहीत करतो मला कितीदा, तो लुकलुकणारा दीप अंधारात. किती रोजच जळती मढी क्षणात, हुंकार हुंदक्याचे ऐकले स्मशानात. पण मोहीत करतो मला कितीदा, तो शहीद पडला समराच्या होमात. 🙏​🙏​💐💐💐💐💐🙏​🙏​