*माणसं जोडावी कशी?* माणसं जोडणं म्हणजे, समोरच्याला "आहे" तसा स्वीकारणं. आपल्या अपेक्षा, आपली मतं न लादणं... माणसं जोडणं म्हणजे, ऐकण्याची कला शिकणं. फुकाचा वाद आणि टोकाची टीका टाळणं... माणसं जोडणं म्हणजे, माणसांवर "शिक्के" न मारणं. समोरचा अधिक महत्त्वाचा - हे स्वतः जाणणं आणि त्यालाही ते जाणवू देणं... माणसं जोडणं म्हणजे, कौतुकाची संधी न सोडणं, तक्रार मात्र जपून करणं... माणसं जोडणं म्हणजे, प्रतिक्रिया नव्हे, प्रतिसाद देणं. रागाचंही रुपांतर लोभात करता येणं... माणसं जोडणं म्हणजे, इतरांना माफ करता करता स्वतःच मन साफ करणं...