🎀 "लग्न ...!"🎀 लग्न म्हणजे नेमकं काय असतं...? ते केवळ कर्तव्यबंधन नसतं तर दोन मनांचं अतूट बंधन असतं . ते जबाबदारी नसून आपल्याला हवंहवंसं वाटणारं स्टेशन असतं... . लग्न म्हणजे नेमकं काय असतं...? नाजूक अशा गवताचं पातं असतं म्हणूनच त्याला हळूवार जपायचं असतं . कर्तव्यपूर्तीने नव्हे, तर एकमेकांच्या सुखदुःखाने तुडुंब भरायचं असतं... . लग्न म्हणजे नेमकं काय असतं...? "आज लवकर येईन! "असं म्हणत त्याने कामावर जायचं असतं . उशीर झाला म्हणून तिने रुसताच त्याने हळूच केसांत फूल माळायचं असतं ... . लग्न म्हणजे नेमकं काय असतं...? "आज छान दिसतेय!" असं म्हणून तिचं सौंदर्य खुलवायचं असतं . तर "हा शर्ट शोभतोय तुम्हाला!" असं म्हणून तिने भलतंच धीट व्हायचं असतं ... . लग्न म्हणजे नेमकं काय असतं...? त्याच्या चुकांना तिने पोटात घ्यायचं असतं . तर तिच्या दुःखांना त्याने हृदयात सामावून घ्यायचं असतं... . लग्न म्हणजे नेमकं काय असतं...? त्याच्या बेफिकीरीला तिच्या काळजीचं पांघरूण असतं . तर तिच्या दुःखाला त्याच्या आधाराचं पांघरूण असतं... लग्न म्हणजे नेमकं काय असतं...? अबोल भावनांना अंतर्मनाने जाणायचं असतं . तो चिडला की तिने शांत राहायचं असतं . तिने रूसताच त्याने मनवायचं असतं... लग्न म्हणजे नेमकं काय असतं...? . झालंच भांडण तर त्याला कवटाळायचं नसतं . एकाने विस्कटलं तर दुसऱ्याने सावरायचं असतं . लग्न म्हणजे नेमकं काय असतं...? . कधी दोघांचं मनोमिलन असतं . तर कधी दोघांचं भांडण असतं . संसारातल्या संशयवादळाला दाराबाहेरच थोपवायचं असतं... लग्न म्हणजे नेमकं काय असतं...? प्रेमाचं ते बंधन असतं दोन अनोळखी जीवांचं मिलन असतं . सृष्टीनिर्मात्याने स्वर्गात बांधलेलं एक रेशीमबंध असतं . म्हणून त्याला शेवटपर्यंत निभवायचं असतं... . पोस्ट आवडली तर नक्की लाईक कर