💙❤💙❤💙❤💙❤💙❤ ती आली......तिनं जिंकलं... 💙❤💙❤💙❤💙❤💙❤ पहिल्यांदा मला ती दिसली...सहजच रेल्वे तिकिटाच्या रांगेत...अक्षरशः कुणाशी तरी भांडत होती...म्हणूच तर माझं लक्ष गेलं....काळी सावळी पण तरतरीत नाकाची आणि मोठ्या मोठ्या डोळ्यांची ... गर्दीचा गदारोळ वाढला......शेवटी तिने आपला पवित्रा मागे घेतला...आणि शांत होऊन रांगेत शेवटी उभी राहिली...मला काही कळेना..मला वाटलं पोरगी मधेच घुसत असावी...म्हणून हे सर्व..... मी दर्लक्ष केलं....पण का कुणास ठाऊक जाता जाता तिच्याकडे माझं लक्ष गेलंच....तिच्या मोठ्याला डोळ्यांनी मला बंधिस्त केलं.... आयुष्य हे फार सरळ असत.. ते आपण जगावं तसं असत... असा मानणारा मी मात्र आता तिच्या डोळ्यात अडकलो होतो.....रांगेच्या मध्ये घुसणार्या मुलीचा इतका विचार का करतोय मी ...खरं तर अशी दुसऱ्याला त्रास देणारी माणसं मला कधीच आवडत नाही....मनस्वी तिटकारा येतो मला...जरी ती मुलगी असेल तरीही....पण हीच थोडं वेगळं होत...काहीतरी अदृश्य जोडलेला धागा होता आमच्या दोघात....जो मला जाणवत होता.... स्टेशन जवळच्या हॉटेल मध्ये मी चहा प्यायला गेलो....तीच मृगनयनी माझ्या अगदी समोरच्या टेबलावर एका वयोवृद्ध माणसासोबत बसली होती...तो तिचा बाप असावा ..असा आपला माझाच ग्रह ..तो माणूस जेवत होता आणि सोबतच तिला खूप दूषण देत होता....ती मात्र निमूटपणे समोरचा चहा संपवीत होती....शांतपणे फक्त मान डोलवीत होती...शेवटी तो गृहस्थ “तुला जन्म देऊन मी खूप मोठं पाप केलं “असं जेव्हा म्हणाला...तेव्हा मात्र मला त्या मुलीचा राग आला.....मी तिकडून तडक निघालो...डोळ्यासमोरून तर गेली...पण मनातून काही जाईना...मन फार अस्वस्थ ..काय केलं असेल असं तिने बापाने इतकं रागवायला ....फक्त विचार विचार आणि विचार.... मला कुणीतरी आवडलं होत अगदी मनापासून . पण तरीही अश्या व्यक्तीच्या प्रेमात पडणं मला काही पटत न्हवत....निदान आपली आवड अशीकशी ह्याच मलाच आश्चर्य वाटत होत....तिचा पाठपुरावा करायचं मी ठरवलं... उगीच रोज तिकिटाच्या रांगेत तासंतास तिची वाट पाहू लागलो...त्याच हॉटेलमध्ये तिला मी शोधू लागलो....आणि एक दिवस मात्र मला ती रेल्वेमध्ये माझ्या समोरच्या महिलांच्या डब्यात दिसली....दाराजवळ उभी स्वतः मध्ये मग्न उगीच स्वतःशीच हसत......मला तिचा फार हेवा वाटला...आज तिच्याशी मी बोलायचं ठरवलं.... ती उतरल्या बरोबर मी देखील उतरलो तिच्या मागे मागे जाऊ लागलो......एका टॅक्सिला तिने हात केला मी देखील दुसरी टॅक्सी पकडून तिच्या मागे…..का असा वागतोय मी तिचा पाठ पुरवठा का करतोय मी.....ती टॅक्सितून उतरून रस्त्याच्या बाजूलाच असलेल्या एका अंधाऱ्या बोळात शिरली...मी देखील तिच्या मागोमाग …. एका बोळातून दुसऱ्या ...दुसऱ्यातून तिसऱ्या....असं करत ती एका घरासमोर उभी राहिली....तिने कुलूप उघडलं...मी तिच्या दारात जाऊन उभा राहिलो.....आत जावं कि जावं....आतूनच आवाज आला..."घरात या"....मी दचकलो.....पण मागे फिरण्याची इच्छा होईना...मी आत गेलो......"बसा"...आतून पुन्हा आवाज....मी शेजारच्या बेडवर बसलो....ती आतून पाणी घेऊन बाहेर आली... मी पाण्याकडे आणि तिच्याकडे आळीपाळीने पाहिलं..."पाणी प्या तुम्ही फार घाबरलेले दिसताय" ती मंद हसत म्हणाली... पटकन पाणी प्यायलो....तिच्याकडे रिकामा ग्लास दिला....ती पुन्हा आत निघून गेली... चोरी पकडली गेली होती....मला तिकडून पळून जावस वाटत होत....तरीही मी तिची ओढ मला तिकडून हलू नकोस असं सांगत होती.....ती पुन्हा बाहेर आली.....आता तिच्या हातात चहाचे दोन कप होते.... "चहा घ्या आवडतो ना तुम्हाला " "तुला कसं माहित" मी नकळत विचारलं.....त्यावर ती फक्त हसली... "माझा पाठलाग करताय मला माहित होत.." "तरीही तू तो करू दिलासा" मी आश्चर्याने विचारलं. "हो..” "पण मी तुझा पाठलाग करतोय ह्याची भीती नाही वाटली.."आता मी बराच सावरलो होतो... "नाही...वाटली...अगदी तुम्ही पहिल्या दिवशी मला पाहिलात ना तेव्हाच तुम्हाला ओळखलं तुम्ही चांगले आहात हे जाणवलं मला” "म्हणजे तुझ्याही मी लक्षात होतो तर..." "हो अगदी हॉटेल मधून माझ्यासमोरून रागाने निघून गेलात तेव्हा देखील तुमची दखल घेतली होती मी कित्तेकदा तुम्हाला चहा घेताना त्या हॉटेलमध्ये बघायचे मी.." "नाव काय तुझं....तू इथे राहतेस…आणि तुझे वडील.." "माझं नाव मिता...आणि मी इथेच राहते.... मी अनाथ आहे . त्यादिवशी तुम्ही मला पहिल्यांदा रांगेत पाहिलंत .. तेव्हा एक म्हातारी आज्जी बाई तिला उभ राहवत न्हवत..तिला आधी तिकीट घेऊ द्या असं मी रांगेतल्या माणसांना बोलत होते...पण कुणीही तयार न्हवत तिला मध्ये घ्यायला....आणि कुणी तीच तिकीटही काढून देत न्हवत...माझा नंबर आला..मी तीच काढून देणार होते .. तर माझ्या मागचा माणूस माझ्यावर आरडाओरड करायला लागला...शेवटी मी त्या बाईला माझा नंबर देऊन मी शेवटी जाऊन उभी राहिले…. ….ती आपली पहिली भेट कारण जाताना तुम्ही मला पाहिलं होत...आणि दुसऱ्या वेळेस ते गृहस्थ ज्यांच्या सोबत तुम्हाला मी त्या हॉटेलमध्ये दिसले होते ते मनोरुग्ण होते...मला ते स्टेशनजवळच भेटले त्यांच्या मुलीमुळे त्यांच्यावर हि वेळ आली होती कदाचित.. ते मला त्यांची मुलगी समजले....ते उपाशी होते मी त्यांना जेऊ घातलं.... ते माझे कुणीही न्हवते"" म्हणजे माझी निवड कुठेही चुकीची न्हवती तर..मी मनोमन स्वतःलाच म्हंटलं.... मला नेमकं तिच्यात वेगळेपण जाणवलं होत.. ते हेच...मला तिच्याशी मैत्री वाढवायची होती...तिच्या बद्दल मला कुतूहल निर्माण झालं होत.... तिने माझ्या आयुष्यात यावं असं मला वाटत होत.... "तू आवडलीस मला ....अगदी पहिल्या नजरेत..." "मला माहित आहे ....पण मला लोकांना मदत करायची फार वाईट सवय आहे...." "वाईट सवय नाहीये ती....आणि काहीप्रमाणात मी देखील मदत करतो दुसर्यांना" "माझ्या इतकी सवय तुम्हाला नसेल कदाचित...मी ठरवलंय ..लग्न करेल तर अश्या माणसाची जो माझ्या सारखाच अनाथ असेल...त्याला नातेसंबंधांची जास्त गरज असेल....” "वाईट सवय नाहीये ती....आणि काहीप्रमाणात मी देखील मदत करतो दुसर्यांना" "माझ्या इतकी सवय तुम्हाला नसेल कदाचित...मी ठरवलंय ..लग्न करेल तर अश्या माणसाची जो माझ्या सारखाच अनाथ असेल...त्याला नातेसंबंधांची जास्त गरज असेल....” "चांगला निर्णय आहे तुझा ..पण माझं खरंच प्रेम आहे तुझ्यावर...." " तुमच्या भावनांचा आदर करते मी.... लहानपणापासून माझ्या हक्काच्या माणसांसाठी मी खूप आसुसलेली असायची...कुणाच्यातरी मायेच्या उभे खाली स्वतःला झाकून टाकावंस वाटायचं मला...मी अनाथ होते ..मला माझं हक्काच असं कुणीच न्हवत... सर्व अनाथ मुलानंसोबत माझं बालपण गेलं...प्रत्येकाला आपापलं दुःख...कोण कोणाला आधार देणार...तेव्हाच ठरवलं...जेव्हा मी लग्न करेल ...तो माझा हक्काचा नवरा तसाच असावा जशी मी वाढले... ज्याला नाती जपता येतील...म्हणजे मला नशिबाने मिळालेलं हक्काच माणूस माझ्यापासून कुणीच हिरावून घेणार नाही.." तिचा हा निर्णय माझ्यासाठी खरंच खूप दुःखद होता...कारण मी अनाथ नव्हतो.....मला आई होती..... तीच विश्वच वेगळं होत...आणि तिच्या विश्वात मी तिच्यासाठी एक असा माणूस होतो जो तिला समजून घेत असलो तरी तिचा न्हवतो…. मी तीचा निरोप घेतला...कारण का कुणास ठाऊक मला तिच्या निर्णयापासून तिला परावृत्त करावंस वाटलं नाही... ती जे बोलून गेली होती....तसा विचार मी आयुष्यात कधीच करू शकलो नसतो... तिचे विचार खरंच खूप चांगले होते.....मी जाताना फक्त माझी आठवण ठेव इतकंच बोलून बाहेर पडलो.... काही माणसं आपल्या आयुष्यात येतात .....जी आपला आयुष्याकडे पाहण्याचा दृष्टिकोनच बदलून टाकतात..... अशीच ती हि आली.. आणि तीन मला जिंकलं.... 💙❤💙❤💙❤💙❤💙❤