अपेक्षांच्या भाऊगर्दीत जीव बरेचदा गुदमरतो गं जबाबदाऱ्यांच्या जुगाडाखाली मी कायम राबतोय गं यावर माझा इलाज एकच वाटते तू छानसं हास गं कामातही होतं राजकारण मी ठरतो टुकार कार्यकर्ता गं धिराचाही होतो कडेलोट धरण वाटते कधी फुटेल गं यावर माझा इलाज एकच वाटते तू छानसं हास गं कुठे कसा पुरे पडू सांग माझी जमवाजमव अपुरी गं धागा सुटतो हातून कायम मी सदाचाच असतो अपूर्ण गं यावर माझा इलाज एकच वाटते तू छानसं हास गं गरज कुणाला या सर्वावर मद्य न रतीच्या धुंदीची गं कधी कुणाचा कधी कुणाचा आपुला आपुला उपाय गं यावर माझा इलाज एकच वाटते तू छानसं हास गं