🎭 गुरूजी 🎭 शाळांना जर का शिक्षक लाभला नसता तर आयुष्याच्या गणिताचा भूगोल झाला असता फळयावर जर खडूचा हात फिरला नसता तर.... abcd,बाराखडीचा अर्थ कळला नसता..... डोळे भरून येतात जेव्हा हातात पगार येतो..... गुरूजी तुम्हीच आकार दिला,जेव्हा.... मातीचा मी गोळा होतो. पायथागोरस, आर्किमिडिज, न्यूटन अजूनही तोंडपाठ आहेत गुरूजी..... तुम्ही शिकवलेल्या पाण्याच्या रेणुसूत्रात मला तुम्हीच दिसता गुरूजी...... तुमच्या हातून खाल्लेला मार आजपर्यंत विसरलो नाही मी.... घोडा करुन उभे करायचात तुम्ही... आता तीच पद्धत व्यायामाला वापरतो मी..... शाळा चुकवायचो कित्तेकदा उनाडक्या करतांना..... पण भीती वाटायची तुमची गृहपाठ तपासतांना.... आज मात्र तुम्ही WhatsApp वर चेष्टेचा विषय झालात... मास्तर कोमात गुरूजी जोमात. मास्तर पळाला यात्रेला गेला असल्या कमेंट्स जेव्हा लोक करतात. काळीज फाटतंय हो गुरूजी आमच्या आदर्शाचं मातेरं होताना. पण तुमची प्रतिमा मात्र माझ्या हृदयात आदरणीयच राहील..... मी साक्षर फक्त तुमच्या मुळे झालो..... ही जाणीव माझ्या शेवटपर्यंत राहील............! 🙏🙏🙏🙏🙏🙏🙏🙏