🌺सण वर्षाचा पाडवा🌺 आला चैत्राच्या आरंभी सण वर्षाचा पाडवा नव्या वर्षाच्या स्वागता वनराईला वाढवा ।।धृ।। आला घेऊन पाडवा हिर्वा सृष्टीला गारवा रंग रांगोळीत भरा ओटे अंगण सारवा ।।१।। फुला पानांचे सुंदर दारी तोरणे चढवा दुःख मनात दडवा सुख सोन्यात मढवा ।।२।। झाडे वाचवा वाचवा पाणी पाऊस साचवा चैत्र पाडव्याला रुढी अशी आगळी रुजवा ।।३।। कन्या येऊ द्या जन्मास तिचे जीवन वाचवा रुढ रुढी आता अशी नवी रचना रचवा ।।४।।